همس الابداع
اهلا بك بمنتديات همس الابداع يشرفنا تسجيلك

مثل دلّة ابن سحمـان فـارس علاج الـراس لامنّـه خوانـي

اذهب الى الأسفل

مثل دلّة ابن سحمـان فـارس علاج الـراس لامنّـه خوانـي

مُساهمة  محبوبك المظلوم في السبت نوفمبر 13, 2010 6:47 am


انا كلّي لعيـن اللـي دعانـي
اقطّف لـه ورودٍ فـي ثوانـي
مادامه ينتظر حرف القصيـده
اجيبـه بالعذوبـه والمعـانـي
بشـردٍ مايباريـهـا شـرايـد
تهوّل من سمعها مـن لسانـي
تلامس كل من عنـده مشاعـر
وتطرب في مسامعها الاذانـي
لاصار البدع فاتح لـي مجالـه
فأنا والله مارضـى بالهوانـي
ودلّة هاجسي تصلـى بحسـي
وهجها النار مابيـن المحانـي
يفوح البـنّ والمسمـار فيهـا
وزود الهيل معهـا زعفرانـي
تجاذب كـل خلـق الله عليهـا
تبـي فنجالهـا والله هـدانـي
سكبته فـي فناجيـل العتيبـي
تقهـوو ياعريبيـن المجـانـي
تقعد روس من تشكـي خواهـا
مادام الجود مرهي في زمانـي
مثل دلّة ابن سحمـان فـارس
علاج الـراس لامنّـه خوانـي
اببدى من صفر حتـى النهايـه
رماني الحظ بالواقـع رمانـي
بداية مولدي جاهـل مصيـري
ولاكن عارف الميزب حوانـي
كبرت وكان كـل اللـي ادوّر
رضى المعبود قبل المودمانـي
وبعده بـر واحسـان ومحبـه
بأغلا اثنيـن يحملهـا كيانـي
وادوّر للنعم فـي كـل مجلـس
ونلتـه دام بالعلـيـا مكـانـي
على افعول المراجل ماتوخـر
وابيّض وجه من قام ونخانـي
وذكـر الآدمـي يبقـى لذالـك
بمدّ الجـود يـوم الله عطانـي
مجالي حاصره باللـي ذكرتـه
ولاكـن زاد تشييـد المبانـي
عشقت وزانت الدنيـا بوجهـي
طـراوه للعمـر راع الثمانـي
ظريف الطول منزوع الجديلـه
يشع النور يـوم انّـه نصانـي
خطف قلبي وانا اللي ماردعتـه
احسبـه وافيّلـي واشتـرانـي
لوانـي بالمحبـه واهتويـتـه
ولا اذكر فيه مخلـوقٍ لوانـي
على الله فوق جسرك يالمحبـه
تروح اركاب عمـري لتّفانـي
مادام انّ العمـر فانـي تراهـا
حياتي فـي غيابـك ماتبانـي
اشوف الناس مع حالي تعاطف
بسبـة غيبتـك شـيٍ بلانـي
اسامـر نجمـة الليـل العليّـه
على قمة جبل همـي زوانـي
متى تعطف بحال اللي يحبـك
حرام اتصيـر ياخلّـي انانـي
ادوّر لك عذر وانطـق بقولـة
مالومك ماكواك اللـي كوانـي
رحات الوقت جابت لي سعـاده
وفرّت فـي زمـانٍ شقلبانـي
نهايـه والنهـايـه مدلهـمّـه
ياكيف انسى القطوع اللي نساني





وسلامتكم



الشاعر/ حمدي فيحان ابن سحمان
(منقوله)
avatar
محبوبك المظلوم
من كبار الشخصيات
من كبار الشخصيات

عدد المساهمات : 17
النقاط : 18
السٌّمعَة : 1
تاريخ التسجيل : 04/11/2010

الرجوع الى أعلى الصفحة اذهب الى الأسفل

الرجوع الى أعلى الصفحة


 
صلاحيات هذا المنتدى:
لاتستطيع الرد على المواضيع في هذا المنتدى